FESTA DA ISTORIA

Bando

Un pobo culto sabe tratar sempre os seus visitantes.

Como todo Bando, este é un anuncio e unha proclamación dun acontecemento, neste caso festivo, que pretende invitar a ribadavienses, ribeiranos e forasteiros a facer súa a alegría da festa.
Un heraldo que percorre acompañado por músicos con percusión as rúas e prazas da Vila, fai públicas disposicións e requirimentos para embelecementos de fachadas e ventás, para a limpeza das rúas, para a oferta, subministración e presentación de viños e alimentos e, moi especialmente, para asegurar a circulación da moeda oficial da festa: o marabedí.

Despois das noticias e prescricións, remata o Bando da Istoria:

"...E por último ordenaron e mandaron, que ao que comida e bebida refírese sexa de abundancia de anos anteriores, así como a hospitalidade da que é habitual neste termo. Que na saída da comitiva repiquen todas as campás que na vila hai e que tanto as casas do vencindario, castelo das Vides e casa do Concello se fagan ondear ao vento todas as bandeiras e insignias do Condado, ao vento da nosa historia, que se abran as páxinas mais belas e creativas dela, para que ese vento traia a Ribadavia unha Istoria feliz para todos".

(Cita do autor: Samuel Eijan ou Meruéndano).

Galería fotográfica