A FUNDACIÓN

Introducción

A Fundación Festa da Istoria constituíuse o 29 de xullo de 1998 como Fundación Cultural. Está inscrita no Libro de Rexistro de Fundacións de Interese Galego correspondente á Consellería de Cultura, Comunicación Social e Turismo co número 59.

A Fundación Festa da Istoria, entidade sen ánimo de lucro, ten a súa sede social na rúa Escobetes, 2 da localidade de Ribadavia (Ourense).

Ámbito de actuación

A Fundación desenvolve as súas actividades en todo o territorio español e en xeral en calquera ámbito territorial, sempre que sexa de interese para a consecución dos seus fins.

Non obstante, a base territorial das súas actividades será a constituída pola Comarca do Ribeiro.

Obxectivos e fins

• Promoción, Xestión, Proxecto e desenvolvemento da Festa da Istoria.
• Contribuir á dinamización cultural, social e económica do seu entorno.
• Contribuir á mellora e promoción das zonas monumentais, así como á recuperación histórica de monumentos e edificios, tanto no ámbito da investigación coma no bibliográfico.
• Contribuir á promoción turística con actividades que promovan o interese pola comarca.

Actividades

Para cumprir os obxectivos e fins anteriormente descritos, a Fundación desenvolve as seguintes actividades:

• Cada ano, coincidindo co último sábado do mes de agosto, realiza xunto coa Coordinadora a " Festa da Istoria".
• Conservar, soster e enriquecer os fondos que constitúen as súas bibliotecas, arquivos e documentación, facilitando o seu acceso ao público en xeral, para iso chegouse a un acordo co Museo Etnográfico do Ribeiro no que se depositou estes fondos.
• Promover a investigación e estudos relacionados coa bisbarra, a súa historia e monumentos.
• Editar e publicar a revista " Festa da Istoria".
• Organizar concursos de carteis, fotografía, repostaría e outros semellantes.
• Organizar e promover cursos tendentes a recuperar a identidade histórica da comarca.

Patronato

O Patronato está composto por:

• O Presidente da Fundación é o Alcalde de Ribadavia, en representación do Concello.
• Dos terceiras partes dos vogais, serán os representantes que designe a Asociación Coordinadora Festa da Istoria.
• Un representante da Deputación Provincial de Ourense.
• Un representante do Consello Regulador de Denominación de Orixe Ribeiro.
• Un representante da Cooperativa Vitivínicola do Ribeiro.